ஒரு நொடி

வாழ்வின் ஒரு வருடம் 

நினைவிலிருந்து மங்கலாம் !

வாழ்வின் ஒரு நொடி 

நினைவிலேயே தங்கலாம் !

பொங்குமடி

கன்னி நீயும் கடிச்சுபுட்டா 

நுனிக்கரும்பும் இனிக்குமடி!

இதழ் சிந்தும் கனிரசத்தை 

கரும்பு வயலும் கேட்குமடி !

வாடி வாசல் விட்ட காளை 

காலடியில் கிடக்குமடி !

உன் முகத்த பாத்து புட்டா

காலிப்பானையும் பொங்குமடி !

போகி

எந்த போகியில் எரித்தாயோ 

என் நினைவுகளை!

எந்த போகியிலும் எரியவில்லை 

உன் நினைவுகளே!

பொங்கல்

வாழையிலை குடைபிடித்து

மழைவெளியில் நடப்போமா 

கம்பங்காட்டு மூலையிலே 

காதல்கதை படிப்போமா

கையளவு நெஞ்சத்திலே

கடலளவு காதலடி 

விட்டு நீயும் போனபின்னே 

ஆறடிதான் எனக்கு ஆறுதலடி 

சின்ன வீடு

எத்தனை பிறவியும் நானெடுப்பேன் 

அத்தனையிலும் கூட நீயிருந்தா 

புதைகுழியிலும் நீந்திடுவேன் 

நெஞ்சக்குழியில் நீயிருந்தா 

குடிசையும் சொர்க்கம்தானே 

மடிமீது கொஞ்ச நீயிருந்தா 

சின்ன வீடும் வச்சுக்குவேன்் 

அந்த வீட்டிலும் நீயிருந்தா 

கரும்பு

மணப்பாறை முறுக்கு போல 

முறுக்கிகிட்டு நடக்கிறியே

சேத்து வச்ச ஆசையிருந்தும் 

காக்க வச்சு கொல்லுறியே 

கிட்ட வந்து தொட்டு புட்டா

சிட்டு போல பறக்கிறியே 

புல்லுகட்டு சுமப்பவளே 

ஜல்லிக்கட்டாய் அடக்குறியே 

தை மாசம் வந்திருச்சு 

கைபிடிக்க மோகமடி

எங்க வீட்டு வாசலில் நீ

பொங்கல் வைப்பது எப்போடி