நீட்டை ரத்து செய்யும்
ரகசியத்தை கூட
கண்டு பிடித்து விடுவேன்
போலிருக்கிறது ...
உன் நினைவுகளை
ரத்து செய்யும் ரகசியம்
தெரியவில்லை !
தயவு செய்து
திரும்ப பெற்றுவிடு
உன்
நினைவுகளை
ரத்து செய்ய மறுக்கும்
உன் காதலை !
என்
காதல் மழையும்
பொழிகிறது
நீ
உள்ளங்கையில்
தாங்கி கொள்வாய்
என்ற
ஆசையில் !
நரை கூடிப்போன
தளர்ந்த வயதிலும்
தளராத நாளிகையாய்
நீயே வேண்டும் !
என் பகல்கள்
உன் நினைவுகளையும்
என் இரவுகள்
உன் கனவுகளையும்
உண்டு
பசியாறுகின்றன !
இரும்பு
கோட்டையாகத்தான்
வைத்திருந்தேன்
இதயத்தை ...
தூளாகி விட்டது
ஒரு
மலரின் மோதலில் !
காதலை
கேட்டால்
முறைக்கிறாய் ....
முறைக்க
சொன்னால்
காதலிப்பாயா !
இதய மாற்று
அறுவை சிகிச்சை
செய்து கொள்வோமா ...
அப்போதாவது
உன்னை வெறுக்க என்னாலும்
என்னை காதலிக்க உன்னாலும்
முடிகிறதா பார்க்கலாம் !
உன்
கன்ன சிவப்பை விட
அழகான ரோஜாவைத்தான்
இன்னமும்
தேடிக்கொண்டிருக்கிறேன்
உன்னிடம் நீட்டி
காதலை
சொல்வதற்கு !
நீ தரும் முத்தங்களை
தான் வைத்துக்கொண்டு
வெறும்
சத்தங்களை மட்டும்
தருகிறது
அலைபேசி !
கன்னத்தில்
குழி விழுந்தால்
அதிர்ஷ்டம் என்றவர்கள் ...
கன்னக் குழியில்
விழுந்தால்
என்னாகுமென்று
சொல்ல மறந்தார்கள் !
நீ செல்லும்
இடங்களை
தவிர்த்து
வேறு ஏதேதோ இடங்களை
அழகான சுற்றுலா
தலங்கள்
என்று பட்டியலிட்டு
ஏமாற்றுகிறது
அரசின் சுற்றுலாத்துறை !
உன்
காதல் அலையில்
தரை தட்டிய
கப்பலாய் நான் !
===================================
உசுர தவிர
எல்லாத்தயும்
வாங்கிப்புட்டு
ரவுசு பண்ணுது
காதல் !
பல்லு மொளச்ச
பட்டாம் பூச்சியா
கடிச்சு
கொதறுது
காதல் !
ஊசி வெடியாலே
மலையையே
பொளக்குது
காதல் !
===================================
எந்தன்
கவிச்சோலையில்
பொழிந்த
மழைச்சாரல்
நீ !
இதயத்தில்
ஒலிக்கும்
மௌன மொழி
நீ !
கண் மூடி
தேடும்
காட்சி
நீ !
என் நிழலும்
பூசிக்கொள்ளும்
நிறம் நீ !
என் பாதையே
தேடும்
தேர் நீ !
