சேர்ந்து வாழ்வது
காதல் மாடல் ...
உன் நினைவுகளோடு
நான் மட்டும் வாழ்வது
இது என்ன மாடல் !
மொழியை திணிப்பது
குற்றமாம் ...
எப்படி திணித்தாய்
இதயத்தில்
உன் காதல் மொழியை !
மனிதனை
மனிதன் சுமப்பது
மட்டும்தானே குற்றம் ...
இதயத்தை
இதயம் சுமப்பது அல்லவே !
எனில் சுமந்ததற்க்கு
ஏனிந்த தண்டனை !
கண்கள்தான்
காதலுக்கு காரணம்
என்று நினைத்திருந்தேன் ...
இப்போதுதான்
புரிந்தது ...
கண்கள் உன் பிம்பத்தை
இதயத்துக்கு அனுப்பும்
போஸ்ட் மேன் மட்டுமே !
எந்த சட்டமியற்றி
தடுப்பேன் ...
என் இதயத்தில்
உன் நினைவுகளை
ஏந்தல்களாய் நியமிக்கும்
உன் அதிகாரத்தை!
என் நினைவுகளை
ரத்து செய்யும் ரகசியத்தை
உனக்கு சொன்ன பிரம்மன்
உன் நினைவுகளை
ரத்து செய்யும் ரகசியத்தை
எனக்கு மட்டும்
சொல்லாமல் விட்டதேனோ !
எத்தனை முறை போட்டும்
நிறைவேற மாட்டேனென்கிறது ...
ஏழு ஜென்மத்துக்கும்
உன் நினைவுகளில் இருந்து
விடுதலை கோரும்
தீர்மானம் !
என் காதலுக்கு
விடியல்
வராவிட்டாலும் பரவாயில்லை ...
என் நினைவுகளையாவது
தூங்க வைப்பாயா
உன் மடியில் !
No comments:
Post a Comment