நிலாபெண்ணா

 மேகப்பொம்மைகளை 

கலைத்து போட்டு 

விளையாடுவது யார் ...

தென்றல் குழந்தையா ...

நிலாபெண்ணா !

தென்றலும் 

புயலும் 

ஒரே நேரத்தில் !

கட்டெறும்பு 

கடத்தி செல்லும் 

சீனி போல 

கடத்தி செல்ல பார்க்கிறேன் 

உன் 

உதட்டோர 

பனித்துளியை !

https://pbs.twimg.com/media/Ecc-_KZUEAIZVGf?format=jpg&name=large

சொல்லாத வார்த்தைகள் 

உன் விழியில் 

இன்னும் மிச்சமிருக்கு ...

எழுதாத பக்கங்கள் 

என் டயரியிலும் 

இன்னும் மிச்சமிருக்கு !

மனக்கிளையில் 

கூடு கட்டி வைத்திருக்கிறேன் ...

வரப்பு மேல வனப்பு ...

வரம்பு மீறுது நெனப்பு !

உனது 

மாளிகை வாசலில் 

எனது காதல் ...

கோலமா ?

அலங்கோலமா ?

பின்னல் ஜடையை 

பின்னால் தூக்கி போட்டாய் ...

குஞ்சம் வைத்த சவுக்காய் 

வீசிப்போனது நெஞ்சில் !