பொய்கள்தான் ஆயுதம்
திட்டியவர்கள் கட்டிக்கொள்வார்கள்
கட்டியவர்கள் வெட்டிக்கொள்வார்கள்
பள்ளம் பார்த்து வெள்ளம் பாயும்
பணம் பார்த்து ஆதரவு பாயும்
கூட்டலுக்கும் கழித்தலுக்கும்
சாதியும் மதமும் குறியீடாகும்
அஞ்சுக்கும் பத்துக்கும் கூடும் கூட்டம்
அஞ்சு வருஷம் அல்லோலப்படும்
லட்சம் பேர் லாட்டரி வாங்கி
ஒருவன் லட்சாதிபதி ஆவது போல்
லட்சம் பேர் ஓட்டு போட்டு
ஒருவன் கோடீஸ்வரன் ஆவான்
ஜெயித்தால் தனது நேர்மை என்பான்
தோற்றால் எதிரியின் பணமென்பான்
ஓட்டை பிச்சை கேட்டு ஜெயித்தவன்
நோட்டை பிச்சை கேட்பான்
வாக்காளர் காலில் விழுந்தவன்
கல்வி தந்தையாவான்
ஒருநாள் தெய்வமான வாக்காளன்
பூஜை செய்யும் பக்தனாவான்
கையில் இருப்பது ஓட்டு அல்ல
அர்ஜூனன் காண்டீபமென அறியாது
குவாட்டருக்கும் பிரியாணிக்கும்
இரந்து நிற்கிறான் வாக்காளன்
No comments:
Post a Comment